Skip to content
Christian Reality

✠

Acta Sanctorum · Volume I · January 2

On St Basil of Ancyra, at Caesarea in Cappadocia

DE S. BASILIO ANCYRANO

Contents (1)
  1. Cæsareæ in capadocia.

Cæsareæ in capadocia.

Basilius Ancyranæ Ecclesiæ Presbyter, martyrio sub Juliano apostata coronatus, celebratur XXII Martii. Alius ei cognominis, ejusdemque gloriæ particeps, sed laicus, sub eodem tyranno isthic Basilius vixit, cujus II Januarii natalis agitur. De hoc Ferrarius in generali catalogo Sanctorum: Cæsareæ Cappadociæ, S. Basilii Martyris sub Juliano apostata. Menologium Græcorum: Natalis sancti Martyris Basilii ex urbe Ancyra, qui Cæsareæ, Imperatore impio Juliano, Præside Saturnino, passus est.

2 Martyrologium Gallobelgicum hoc die Basilium Presbyterum refert, omittitque XXII Martii. Plenius hujus non Presbyteri agonem narrant Menæa:

3 Hic impio Juliano rerum potiente, Ancyræ natus, dum Christum et coleret et prædicaret, comprehensus Tarvilo Præsidi sistitur: apud quem cum Christum libera voce profiteretur, suspensus crudeliter laceratur: dein Ancyra Constantinopolim ductus, iterum ferro carpitur, adeoque distenditur, uti manuum pedumque compages diductæ solverentur: tum loris ceditur, et candenti ferro ustulatur, et compungitur. Cumque omnia generose exantlaret, a

Deo vicissim compensationem gratiarum accepit. Nam in ardentem caminum conjectus, per preces stupendum in modum illæsus permansit. Denique vinctus Cæsaream abductus, et a Prætore ad feras damnatus, leanæque objectus, lauream martyrii occumbens reportavit. Sacras porro illius reliquias ex cognatis et familiaribus quidam studiose collectas et unguentis delibutas, linteisque involutas, debita cum veneratione illustri loco reposuere: ac demum ad earum cultum templum (quod Martyrium appellabant) condiderunt. Eadem fere Galesinius.

✠

January 2 Calendar of the year