Skip to content
Christian Reality

✠

Acta Sanctorum · Volume I · January 2

On St Aspasius, confessor, at Melun in Gaul

DE S. ASPASIO CONFESSORE

Contents (1)
  1. Meleduni in Gallia.

Meleduni in Gallia.

Meleduni (oppidum est Galliæ Celticæ in insula Sequanæ situm, quatuor passuum millibus a Fontisblaudi regia) Divi Aspasii nomen magna religione colitur, ut testatur Papirius Massonus in libro de Fluminibus Galliæ. De eo Kalendis Januarii ista habet Molæmus in Addit. ad Usuardum: Castro Mileduno Depositio S. Aspasii Confessoris; cujus ibidem nomini principalis Ecclesia titulatur, licet vita penitus ignoretur. Eadem fere Martyrologium Germanicum eodem die, et Philippus Ferrarius in generali catalogo Sanctorum, qui addit loci ejus tutelarem haberi. Celebritas ejus 11 Januarii agitur, ob festum fortasse Circumcisionis dilata.

2 Fuit, ut quidam existimant, S. Aspasius Episcopus Elosensis sive Elusensis Ecclesiæ, quæ Auscum translata est, aut cum Auscensi unita; sed postmodum: nam eodem tempore Proculejanus Auscensis Episcopus erat. Subscripsit Aspasius Concilio Aurelianensi 11, anno Christi DXXXIII, et Aurelianensi IV, anno DXLI item V, anno DXLIX, et Arvernensi 11, anno DXLIX, ut videre est apud Jacobum Sirmondum nostrum tom. 1 Concil. Galliæ, et Claud. Robert. in Catalogo Archiepiscoporum Auscensium. Hic tamen Episcopos Auscenses et Elusenses videtur confundere, cum etiam anno DCXXX. Concilii Rhemensis tempore diversi fuerint.

3 Cum Meloduno transiret Aspasius febri correptus fertur, ex qua deinde mortuus 1, vel 11 Januarii. Ejus laudes cecinit pluribus hymnis Sebastianus Rouillardus Melodunensis, in Curia Parisiensi Advocatus, eruditione ac pietate celebris. Mortuus est S. Aspasius (si Elusensis Episcopus fuit) ante an. DLXXIII, quo Concilio Parisiensi IV, subscripsit Laban Ecclesiæ Elosanæ Præsul. Qui Meloduni colitur, solum Confessor dicitur, non Episcopus. Servantur religiose ejus ossa capsis inclusa æde. Appellatur et Euspasius.

✠

January 2 Calendar of the year